قصيدة مايكفي ان الشعب كله فواتير لشـاعر مشعل بن جريد

اخترة لكــم هذه القصيده لشـاعر مشعل بن جريد
واحب انوه للاعضاء ان هذا القسم مختص للقصائد المنقوله
لاي شاعر تريده
؛
؛
ما يكفـي ان الشعـب كلـه فواتيـر
من بعد الأسهـم ياوزيـر التجـارة
لو تنشد سعيـدان وحمـود وبديـر
اللي سكنو بسطـوح فـوق العمـاره
وحامد سكن لـه شقـةٍ كنهـا بيـر
لأن الأيجار يزود فـي كـل حـاره
أخـوان لكـن فرقتـهـم مقـاديـر
قالـو بليـا حسيـن ويـا عـقـاره
وشايبهم اللي بديرتـه عنـده منيـر
أصغر عياله فـي طبوعـه نمـاره
خلا الوظيفه وانكسر كسـرة الزيـر
ولعيال ربعه صـار اسمـه عيـاره
حـاول يسكـت شايبـه بالمغاتيـر
يسرح من النجمه أليا اخـر نهـاره
ولا زال يسمع بالمجالـس معاييـر
هذي تجيه ايميـن واخـرى يسـاره
واليا سمع لـه شامـتٍ قالـه خيـر
يخاف يخسر مـا بقـا مـن وقـاره
صامت ولا يبغى تجي نكبـةٍ غيـر
قـدراً لشايبهـم وحشمـه لـجـاره
وطوفان الاسهم غير الوضع تغييـر
فرصه وجات منيـر ياخـذ بثـاره
جلس بوسط جموعهم حزة عصيـر
وكلن يصيح يقـول ياهـي خسـاره
ثمن صرخ بالن ذ ل حشاش ابو طير
ياللي لسانـك فـي ثيابـي شـراره
ياللي اقول اني أنـا الداشـر منيـر
منيـر يبنـي بالمزايـن عـمـاره
قصة صحيحه مـا تبـي أي تفسيـر
واقـع خيالـي دون أيــة اثــاره
وما يكفي ان الشعـب كلـه فواتيـر
من بعد الاسهم يـا وزيـر التجـارة